Wat is Esperanto?

'n Unieke taal

Buiten die feit dat Esperanto nie aan 'n spesifieke etniese groep behoort nie, verskil dit van ander tale:

• Dit is makliker om te leer
• Dit is logies wat betref woordkonstruksie, meervoude, uitspraak ens.

Verder is dit uitdrukkingsvol, aangenaam vir die oor, en het die aanpasbaarheid om aan die moderne wêreld se vereistes te voldoen.

Waar kom dit vandaan?

Die eerste publikasie in Esperanto was in 1887 toe Dr. L. Zamenhof dit as 'n taal aan die wêreld bekendgemaak het. Sy idee was dat 'n algemene tweede taal betrekkinge tussen etniese groepe en nasies sal bevorder.

Nadat dit in die vroeë 20ste eeu hoofsaaklik in Europa versprei het, het die taal aansienlike ontwikkel in China, Brasilië, Iran ens. In 1990 is die aantal sprekers wwêreldwyd op meer as 2 miljoen⁽¹⁾ in meer as 100 lande geskat.

(1)Bron: World Almanac and Book of Facts, 1990, New York

En wat gebeur in Afrika?

In Afrika is Esperanto ook besig om te versprei, met verenigings in dertien lande⁽²⁾, vier Afrika kongresse sedert 1990, 'n groot verskeidenheid vertaalde en oorspronklike Afrika literatuur, en 'n aantal internasionale ontwikkelings/hulp inisiatiewe.

As 'n neutrale, nie-koloniale taal, is Esperanto duidelik 'n meer aanvaarbare basis vir inter-etniese kommunikasie as die tale wat huidiglik as "lingua franca" gebruik word.

Dit is ook 'n middel om Afrika met die res van die wêreld te koppel en vir almal om van internasionale solidariteit voordeel te trek.

(2)Algerië, Benin, Kameroen, DRK, Egipte, Ghana, Ivoorkus, Madagaskar, Suid-Afrika, Tanzanië, Togoland, Tunisië, Zimbabwe

Waarvoor word Esperanto gebruik?

Ontmoet mense

Deur Esperanto:

• ontmoet buidelanders oorsee (deur konferensies by te woon, of die gratis wêreldwye losiesdiens te gebruik)
• ontdek die wêreld van jou his af (deur verblyf aan besoekers te verskaf, of deur korrespondensie)
• leer ken jou landsgenote

Ontdek kulture en tale

Esperanto gee jou:

• toegang tot 'n verskeidenheid trans-kulturele, oorspronklike of vertaalde literatuur, musiek en ander media
• 'n beter begrip van jou eie en ander tale.

Ervaar solidariteit

Bernard Londoni Runyerera sê:

Esperanto, as 'n neutrala taal, is 'n taal van respek en solidariteit. Esperanto-sprekers van verskeie lande het my al dikwels deur moeilike tye gehelp.

Daar is baie voorbeelde van inisiatiewe wat finansiële en morele hulp ontvang, bv. 'n sonkragprojek in Tanzanië, 'n skool in Madagaskar, en 'n vlugteling-ondersteuningsorganisasie in Durban.

Om op te som

Esperanto:

• is 'n taal met 'n fasinerende struktuur, reëlmatigheid en rykheid
• is minder diskriminerend as enige nasionale taal
• gee ongeëwenaarde moontlikhede om dwarsoor die wêreld te reis, teen 'n lae koste en hoë bevrediging
• help jou om diverse mense te ontmoet sonder om eers jou huis te verlaat
• verbind jou aan mense wat soortgelyke belangstellinge het, waar hulle ookal mag wees
• open die deure van solidariteit wêreldwyd
• gee jou toegang tot 'n ryke versameling trans-kulturele publikasies en musiek
• help jou om jou eie taal en die van ander mense beter te verstaan.

Meer inligting?

Ons stuur graag meer inligting en beantwoord enige vrae.

Esperanto-vereniging van Suider-Afrika

Posbus 2636, Cresta, 2118

Tel: 011 782 5807
Faks: 012 667 4119
E-pos: kohlerj@webmail.co.za